top of page

  BL Health plus 專欄 

BB瞓得唔好,點算?

已更新:2023年10月19日

Sleep Training 係好重要,亦都好長嘅一個課題。 至於到底要唔要sleep train?睇人啦。如果唔train但你又應付到,其實真係唔係必須嘅。不過研究證實,嬰幼兒如果睡眠不足,係會好影響腦部發展。Sleep trained嘅BB就往往冇睡眠不足哩個問題喇! 所以我覺得係好嘢嚟㗎!

到底點train? 正如我頭先所講,個課題長到可以講到2046。但必須嘅嘢包括:

Bedtime routine 睡眠儀式 即係每次瞓覺前都重複做嘅嘢,例如:閂窗簾,白噪音,奶嘴,安撫巾,包被,bedtime story等等。 Bedtime routine係同BB溝通嘅方法,話俾BB聽「而家要瞓覺喇!」。只要每次都做,BB就自然學識幾時瞓落床就要培養情緒瞓覺。 建議瞓大覺之前嘅bedtime routine 同nap嘅bedtime routine 有少少分別,避免BB誤以為nap time然後瞓兩個鐘就醒(崩潰!)例如可以瞓大覺之前沖個熱水涼,咁就可以舒舒服服大覺訓。 我的bedtime routine: 大仔:黑房,white noise,包被,奶咀(1歲後改用安撫巾代替)大睡前會沖涼,講goodnight。 細仔:黑房,white noise,包被,唱twinkle twinkle,大睡前沖涼,講goodnight。

了解bb睡眠周期 首先,話幾個冷知識俾大家知: 1. 嬰兒天生係唔識合埋眼就瞓覺,係要慢慢學嘅。 2. 人類嘅睡眠有分周期嘅,只要上網搵下資料就知喇。而我地天生係會喺一個睡眠周期完咗就醒一醒,然後再瞓返,係天性令我哋要對周圍環境有所警惕。只要周圍安全/環境同瞓着前一樣,我地就會自然瞓返。醒嘅時間好短,所以我哋先唔記得啫。 3. BB嘅睡眠嘅淺睡期大約為30至45分鐘,之後會追入深睡期。所以BB啱啱瞓着唔易醒,反而瞓咗半個鐘左右就好易醒咗瞓唔返。 4. Sleep training 就係要train BB順利由淺睡期進入深睡期,從而達到一。覺。瞓。天。光!

自行入睡

BB要學識自行入睡,意思係就算佢瞓瞓下中間醒咗,喺冇人介入嘅情況下都可以自己瞓返。係咪好似好冇可能咁?但只要用啱方法,其實佢哋係做到嘅。 要BB學識自行入睡,第一樣好重要嘅嘢,就係盡可能不。哄。睡。 意思係,BB係要從清醒放上床到瞓着期間,盡可能減低干擾。抱呀搖呀阿媽陪呀拍到瞓哩啲,要逐漸減少。所有bedtime routine要喺放上床前做完,否則整個sleep train就冇可能成功。


關於我們Goodnite Owl

倫敦唯一有兒科護士資歷的雙語嬰幼兒睡眠顧問 我係個澳洲畢業、澳洲註冊護士專業資格嘅姑娘仔,做咗10年兒科護士,同時亦係一位infant sleep trainer,大半個職業生涯都貢獻咗俾兒科。我有兩個小朋友,生小朋友之前都係跟據我學到嘅知識做做做,生咗之後先徹底明白咩叫「活到老學到老」。我嘅職業並冇教我做阿媽,所以我都係同大家一樣邊學邊做㗎咋!只係自己經歷過新手阿媽有幾徬徨,真心希望分享下自己嘅智識同埋經驗,同大家一齊學,攰嘅時候拍拍膊頭圍爐取暖互相講聲「我懂」。 澳洲註冊護士 10年兒科護士經驗 合資格嬰幼兒睡眠顧問


*** Bondslane 讀者優惠 ***

首次使用Goodnite Owl嬰幼兒睡眠顧問並在網上預訂服務 (https://bit.ly/bldiscount),即可使用優惠碼 BLDISCOUNT 得到 95 折,優惠受條款約束。

Comments

Rated 0 out of 5 stars.
No ratings yet

Add a rating
bottom of page