top of page

係英國居住,通常見到朋友,鄰居或陌生人都會同你講一句 How are you ?來打開話題。我哋可以回答 I am fine, thank you 但其實我哋仲可以有好多嘢傾。

英國學校都有家教會或家長group,學校家教會有定期每月嘅家長聚會或者活動,最常見便是virtual coffee meeting 即網上聊天,或者monthly night pub for drop-in 即定期去pub或者cafe 見下面,傾吓計,有時間便可參加(可能係藉口俾自己去Clubbing輕鬆一下),還有些會約下大家去參觀博物館,行下英國名勝古蹟。

《熱門話題座談會》會搵多啲關於英國母嬰兒童健康嘅熱門話題同新聞,喺呢個度平台跟大家打開話題,傾吓計(請自備咖啡或茶)。

熱門話題座談會

重磅禮物

hot topic photo 032023.jpg

 (Image: SWNS )

@27/3/2023

在二月尾,英國一位已有兩子嘅媽媽Ruth(36歲)剛誕下一個大禮物。她的第三個嬰兒Tabitha出生體重12 lb 9 oz (約5.7 kg) ,而Tabitha一出生便打破了英國紀錄,成為本年度全英國最重嘅初生嬰兒。但Tabitha又未能打破英國紀錄, 因為現時全英國最重嘅初生嬰兒紀錄保持BB 係 Guy Carr (born in 1992) 出生體重15 lb 8 oz (約7.06 kg),而第二位是 George King (唔係英國皇帝,born in 2013),出生體重15 lb 7oz (約7 kg) 。

IMG-0594_edited.jpg

 (Image: SWNS )

媽媽Ruth 有鑒於之前在醫院生兩位哥哥(九歲及六歲),出生時分別係 9 lb 9 oz(約4.28 kg)和 15 lb 8 oz (約4.79 kg) ,今次第三胎選擇了在家水中分娩 (Water birth at home)。而佢亦是在預產期後兩星期半才自然分娩, Ruth仲形容Tabitha係”Well cooked” 。

整個分娩過程,Ruth選擇了NHS-funded aromatherapy(香薰)及accupuncture(針灸)去協助紓緩分娩痛楚,她租借水池(birthing pool),放在沒有地毯的客廳中。然後四週加上毛巾(towel)和防水布(tarpaulin),加上暖水和香薰油(aroma hot spa) 感覺更像去了Spa 。全程有助產士協助及為她打氣。 她話跟助產士討論birth plan時 ,她放棄去醫院(只是十分鐘車程)而決定家中分娩時,助產士同佢講: When you are pregnant you aren’t ill, it’s a really natural experience to be growing a baby and bringing it into the world (懷孕並不是患病, 這是一個自然嘅體驗去孕育和帶孩子到這個世界) 。

@express.co.uk

BL專題也有詳細解釋NHS birth plan嘅選擇

How to labour in water or have a water birth

不受歡迎的A

@2/12/2022

The UK Health Security Agency (UKHSA) 在星期五(2/12)黃昏罕有地發出警告,提醒家長們如果發現佢哋嘅小朋友有感染Strep A infection嘅跡象便要立刻求醫。

Strep A infection 在以往的冬季都會導至一至兩個兒童死亡。但係今年冬天, 係英國已有五個小朋友加上威爾斯有一個小朋友因為Strep A infection而去世。

 

衛生部就話沒有相關嘅證據證實有新品種流傳喺社區,這次較多兒童個案感染,可能因為細菌混入社區循環感染。相比起上年14/11至20/11,只有180 個因Strep A引發猩紅熱個案,但今年同期已經有851個案呈報,即有四倍感染人數,衛生部真係有啲擔心。

 

Strep A infection係甲類鏈球菌,常見會引發猩紅熱(Scarlet fever) 主要影響兒童病發初期通常出現發燒和喉嚨痛,偶爾會有頭痛、嘔吐和腹痛。舌頭表面或會出現草莓般(呈紅色和凹凸)的外觀。一般在發病首天或翌日,身軀和頸部會出現砂紙般粗糙的紅疹,其後紅疹會蔓延至四肢,通常在腋窩、肘部和腹股溝處尤其明顯。紅疹多在一星期內消退,繼而指尖、腳趾和腹股溝的皮膚會脫皮。猩紅熱有機會引致併發症如中耳炎、咽喉膿腫、肺炎、腦膜炎、骨或關節毛病,亦可對腎臟、肝臟和心臟造成損害,和引致較罕見的中毒性休克綜合症。傳播途徑可存活於患者的口腔、咽喉和鼻子,可透過飛沫或直接與受感染的呼吸道分泌物接觸而傳播。而潛伏期一般為1至3天。

 

衛生部亦補充,Strep A感染病徵包括有喉嚨痛、發燒、輕微皮膚感染,在大部份情況之下,只要服用抗生素就可以康復㗎。不過亦有少數嘅情況之下,當感染Strep A就會變得越嚟越嚴重。如果情況係持續發高燒,嚴重嘅肌肉痛或者係身體某個部份特別疼痛,有不能解釋嘅嘔吐腹瀉,就要搵緊急求醫。

@Guardian

倫敦推行緊急
小兒痳痺症疫苗計劃

Polio virus.jpg

 

之前衛生部門都話唔使驚嘅,但係呢哋佢見個樣本越來越多,細菌樣本來自Beckton catchment area, Enfield, Barnet 鄰近,還有south(immediately south of the Thames) and east,再加上有國家有病例跟英國發熱嘅樣本品種相近。衛生部門(UK Health Security Agency, UKHSA)就擔心啦會發現更多細菌樣本。所以決定要安排小朋友服食疫苗,疫苗計劃主要係為咗減低兒童受感染後情況而引致不良反應,例如癱瘓(paralysed);另外亦想提高兒童免疫程度從而減少擴散傳播風險。

London polia locations.jpg

新消息!住喺London年齡由一歲至九歲嘅小朋友,將會安排呢服食第一劑口服小兒麻痹症疫苗(IPV)。下個月開始,GP會陸續聯絡家長或者照顧者去安排小朋友服食疫苗。點解要一至九歲兒童服用疫苗?因為專家覺得10歲以下小朋友的自我護理比較差而容易增加個傳染風險。而一歲至九歲嘅小朋友亦會因應不同歲數而服用嘅疫苗相相關藥廠之疫苗建議(見附圖)。

 

係六月嘅時候,已經有新聞報道,話喺東倫敦及西倫敦嘅污水渠發現好多喺英國未見過嘅小兒麻痹症病毒品種,而現在已確認品種係屬於耶路撒冷(Jerusalem)、以色列(Israel)及美國紐約(New York State)。而紐約也證實最近有一位男性感染小兒麻痹症。

 

而自2022 年2月開始,倫敦嘅污水道啦已經發現有116宗小兒麻痹細菌樣本,有見及此,政府就要安排一個緊急嘅接種計劃(urgent immunisation campaign)。大概有100萬名兒係需要服食第一劑口服小兒麻痹症疫苗。

 

之後,佢哋會呢將小兒麻痹症加強劑(supplementary IPV booster) 疫苗加入去小朋友接種疫苗時間表入邊,希望能夠配合到小朋友其他疫苗接種時序。詳情可參考下面:

Joint Committee on Vaccination and Immunisation statement on vaccination strategy for the ongoing polio incident

 

@BBC news

倫敦以內發現Polio 樣本地區

polio vaccination age 1 to 9.jpg

建議不同歲數服用之小兒痳痺症疫苗

小兒麻痹症

Polio.jpeg

credit @ BBC news

兒麻痺症(Polio)是由脊髓灰質炎病毒所引致。此病具有高度傳染性,主要影響幼童。患者可能會出現發燒、頭痛、嘔吐、腹部不適、肌肉疼痛、頸背僵硬及麻痺等症狀。大部分患者都可以痊癒;但嚴重者可導致永久傷殘甚至死亡。病毒主要經口糞途徑由人傳人。病毒經口進入人體,最終會侵入中樞神經系統。1950年代小兒麻痹症係英國也很普遍,直至2003年都已經差不多在英國消失。

 

最近在倫敦東部及北部的排水渠(sewage )發現同一品種嘅樣小兒麻痹細菌,所以就引起UK Health Security Agent (UKHSA)關注。UKHSA 指出,今次連續發現嘅樣本都係一種英國自2004 後未出現過嘅品種,有機會係有人最近在海外接種過小兒麻痹疫苗,然後經排泄再出現喺排水渠。

英國衛生部門其實會定期檢查驗排水渠樣本,而今次嘅發現,引起相關部門擔心呢個病菌亦都有機會傳播出去或者成爲變種病毒:疫苗衍生「小兒麻痹症」("Vaccine-derived" polio)。

雖然感染風險係低,但係家長應該要留意吓小朋友有冇按時(一歲前、三歲及十四歲)接種小兒麻痹疫苗。全英國約有92%人口已經打咗疫,但倫敦接種率比較遜色,只有86%。而英國衛生部門亦有跟世界衛生組織(WHO)呈報。

 

雖然衛生部門話唔會太擔心,因為當年接種率高,所以自2003年後小兒麻痹症已經在英國絕跡。現在NHS 亦都會主動去聯絡家長,邀請佢哋五歲以下子女去接種疫苗。而家長也可以check吓佢嘅「紅簿仔」(Red book) 接種紀錄或預約GP去接種疫苗。

 

乜嘢叫「紅簿仔」(Red book)?Red book = PCHR, Personal Child Health Record 好似香港衛生署派俾家長嘅兒童健康成長紀錄手冊(男仔粉藍色,女仔粉紅色)。在英國,嬰兒出生不久就會收到呢本紅簿仔作為日後嘅健康記錄

@ BBC news

NHS新生嬰兒及兒童疫苗接種時間表

Red book.jpeg
Concrete Wall

Monkeypox 疫情  「蓄勢待發」

Monkeypox virus.jpg

update @ 25/5/2022

 

實monkeypox 疫情有增加趨勢, 目前全英國共有70個確診個案。Monkeypox 係一種過濾性病毒傳染病,病毒源自非洲中、西部國家。而首次發現呢個病毒是在猴子身上,所以命名為monkeypox。 英國第一次發現係2018年, 患者由Nigeria 尼日利亞(非洲中西部國家)傳過來,之後在2021 亦再次出現過。 而英國的出現嘅monkeypox個案, 大多數都係有曾經去過尼日利亞。

暫時知道monkeypox 有兩個品種,西非品種(West African strain)比較溫和,而另一個品種來自中非(Central African strain or Congo strain )係比較嚴重。現在國際性傳播嘅就係屬於西非嘅品種。根據UK Health Security Agency 指出,monkeypox病徵包括:發燒(fever) 、頭痛(headache)、肌肉痛(muscle ache)、淋巴腫脹(swollen lymph node)、發冷(chills),病徵會使身體覺非常疲倦(exhaustion)。其他病徵如身體出現紅疹 (rash),

由面部開始蔓延到去身體其他地方,包括性器官。而紅疹亦都會有唔同嘅階段發展出來,病徵跟水痘(chickenpox)或者係梅毒病(syphilis) 有些相似,而最終會結痂(scab),一般患上monkeypox 需要幾星期才能痊愈。

 

英國現時治療monkeypox 會使用抗病毒藥物(Anti-viral) ,而密切接觸者就需要接種天花疫苗 (smallpox Vaccination)作預防。NHS 亦指引密切接觸者要自我隔離三個星期。

 

點解要打天花疫苗,因為smallpox vaccination 對於預防monkeypox 有效,不過天花已經在呢個世紀絕種,所以一般國家的不會指定接種天花疫苗。要注意,在香港出生小朋友也只有跟香港疫苗接種計劃於第十八個月或小一時接種MMRV, 即混合針加了水痘疫苗(varicella vaccination) ,但對於Smallpox 或monkeypox是沒有防疫作用。 所以,大人跟小朋友一定要小心小心。


@theguardian

How you get monkeypox (NHS)

NHS新生嬰兒及兒童疫苗接種時間表

Blood Test

NHS 新增產前特別檢查

update at 30/3/2022

呢排NHS有好多針對產婦安全嘅新安排。繼生放寛孕婦選擇剖肚生產的限制,NHS 又將會提供產前抽血檢查給有傾向產前妊娠綜合症的高危的產婦作檢查。

妊娠毒血症(Pre-eclampsia Toxaemia, PET) 是一種不常見但嚴重的妊娠併發症,病發於懷孕中、後期,或剛生產後。若孕婦有糖尿病、血壓高或紅斑狼瘡的病歷、過往懷孕期間曾患有妊娠毒血症、近親有妊娠毒血症的懷孕病史、高齡、是次懷孕與上一胎相隔十年、懷有雙胞胎或多胎或肥胖,也屬於高危組別。孕婦除了有嚴重水腫外,孕婦血壓會上升(如血壓高於140/90mmHg)和出現蛋白尿的情況。又或出現其他病徵包括:嚴重頭痛、視力模糊或出現閃光、上腹疼痛、嘔吐等,便必須緊急就醫,接受監察和治療。

 

妊娠毒血症可引發子癇(痙攣)、或導致肝、腎、肺衰竭、凝血問題,對孕婦及胎兒的健康和性命構成威脅。

而NICE (National Institute for Health and Care Excellence) 指出,若能及早點確診PET, 有6%以上嘅孕婦可以得到適當治療及避免有生命危險。NHS 増加的血液測試叫PLGF test, PLGF (placenta growth factor) 是一種蛋白質用來幫助發展胎盤的新血管,如果PLGF水平太低,反映胎盤成長得唔夠好。助產士可以根據新指引去安排高危孕婦做PLGF測試,而測試結果可以即日知道,從而篩選有PET潛在危險嘅孕婦,能得到更加密切嘅監察或相應的產前安排。

 

@ BBC news

Sleeping Baby
Sleep, Baby & You

update at 25/3/2022

 

BB唔肯瞓覺,常常攪到父母好煩惱。而呢個問題往往跟新手父母的情緒抑鬱同焦慮有緊密嘅連繫。NHS 下星期會推出新指引讓Health visitor 同community nurses 去教新手父母點樣處理BB唔瞓覺嘅問題。

 

現時一般產後health visitors 未必受過專業訓練或唔夠信心去指導新手父母如何應付唔瞓覺BB嘅問題。Durham University Infancy and Sleep Centre 的Professor Ball 指出脾氣不好的BB其實係正常嘅。

 

NHS沿用澳洲 Possum Sleep Program 去發展一套新指引 "Sleep, Baby & You" , 用來教父母如何面對自己對BB 的期望,負面想法及鼓勵「有求必應」嘅育兒方法 (responsive infant care) 。

Prof Ball 話一般情況,父母會用「正常」(normal) BB 嘅表現「套」上自己BB 嘅睡眠習慣。事實上,BB 要慢慢哄住才能入睡,例如掃風後,再擁抱(cuddle)直至BB 靜下來才放在床上瞓覺,千萬不要在嚎哭時立即放回床上。

專家亦建議父母不要太堅持BB要日頭眼光光,夜晚就去瞓覺嘅想法。因為嬰兒離開母體不久,佢哋嘅生理時鐘也需要時間去適應另一個新環境。只要BB需要瞓覺時便讓他去睡(naps happen on the go) 。另一方面,新生兒不能夠瞓太耐,因為太熟睡會令BB唔覺肚餓,而血糖低。其實母乳好快被嬰兒吸收,胃部又細,所以多餐小食是正常的。Prof Ball 也指出,很多父母也不喜歡「有求必應」嘅育兒方法。如果不做sleep training, 新指引亦會提供其他建議。

 

@The Guardian

英國增加兒童肝炎確診

update @ 22/4/2022

近英國兒童患上肝炎(肝炎即是指肝臟細胞發炎liver inflammation)嘅跡象有突然增加。 一般肝炎區分為:甲型和戊型肝炎經由食物和水傳染,而乙、丙和丁型則主要由血液或體液傳染。但專家話呢一批小朋友所感染嘅品種也不能分類。專家發現有77% 兒童同時也對於另一種感冒菌腺病毒(Adenovirus) 呈陽性反應。

現時個案年齡介乎一至五歲,英國有75個; 蘇格蘭14 個,威爾斯15 個確診,而其中有8個小朋友更需要進行肝臓移植。所以英國衛生部門都好擔心,究竟咩原因會引致佢哋患上急性嘅肝炎。

 

專家從一方面去研究遺傳因子嘅影響;而另一方面就擔心係咪因為疫情引至好多限制(pandemic restriction) ,使到小朋友延遲暴露於一般常見嘅感冒菌感染,當佢哋一旦受到感染嘅時候,小朋友嘅免疫系統作出一些過於激烈嘅反應而引致肝臟受到影響。

 

現階段專家指出,小朋友仍然要維持良好嘅衛生意識,例如經常洗手,咁已經可以保護佢哋受到一般感冒菌或COVID感染。專家亦都提醒家長們,如果開始發現小朋友有沒有特別嘅肝炎病徵,如黃疸(尤其是係眼白同皮膚都呈黃色)就要盡快搵GP 求診。而其他肝炎嘅病徵,例如深黃色小便、皮膚痕癢、肌肉疼痛、冇胃口也需要留意。

@BBC news

Little Boy Playing Doctor

甚麼是

腺病毒(Adenovirus)

病原體

腺病毒是一組感染人類黏膜的病毒。因應不同的血清類型,病毒可引致呼吸系統症狀,亦可導致腹瀉、眼睛發炎及紅疹。腺病毒感染全年皆會發生。

病徵

不同血清類型的腺病毒可引致不同的病徵,例如咳嗽、流鼻水、喉嚨痛及發燒等呼吸道感染病徵;腹痛及腹瀉等腸道感染病徵;及眼睛發炎(俗稱紅眼症 )。兒童、長者及免疫力受損的人士較容易受到感染。

傳播途徑

腺病毒主要透過飛沫(如咳嗽或打噴嚏)、直接接觸患者的口鼻分泌物(例如與患者握手,或接觸受污染的物件表面),或進食受污染的食物或食水傳播;及可於學校及醫院等院舍內引致急性呼吸道及眼睛感染的爆發。

資料來源:香港衛生防護中心

SIDS factors.jpg

SIDS
真正原因?!

update @ 13/5/2022

 

兒猝死(綜合)症 (Sudden Infant Death Syndromes, SIDS) 一直都係育兒關注重要議題,尤其要學習如何照顧新生嬰兒嘅父母,照顧人員(陪月員, maternity nurses,保姆等) ,也要認識和學習如何避免SIDS發生。 因為好多好多研究也搵唔到有甚麼直接因素而導致SIDS,所以很多教學上會分析一些潛在因素(potential risks)去提醒每個嬰兒照顧者要如何避免。

澳洲科學家(Children’s Hospital at Westmead, Australia) 最近有重大發現 (研究報告發表於 The Lancet's eBioMedicine) 。研究員在嬰兒出生時抽取一種生物標記,酵素(Biomarker, enzyme): Butyrylcholinesterase, BChE, 之後再跟分別因SIDS及非因為SIDS而死亡的嬰孩中的BChE水平作比較。科學家發現,因SIDS而死亡的嬰兒出生時的BChE水平是比較低。 BChE 是腦部中重要的傳送途徑(pathway) 去喚醒(arousal) 嬰兒, 如果BChE水平較低, 嬰兒比較難喚醒或對危險情況下的自我保護能力較遲緩。

 

研究背後也有傷心故事,其中一位醫生Dr. Harrington 也是在29年前因SIDS 而失去她的小朋友,所以Dr. Harrington一直要尋找嬰兒較難喚醒嘅原因。現在她和團隊終於找到真相,而下一步便是研究為嬰兒檢查BChE水平及制定待特別方案如何去幫助這些嬰兒。Dr. Harrington話以前每當健康的嬰兒入睡後,父母也會好擔心BB 不會醒過來, 現在找到真正答案,希望能夠給予傷心嘅父母一點慰藉。

news@wtvm.com

甚麼是嬰兒猝死(綜合)症 (Sudden Infant Death Syndromes, SIDS)?

SIDS 是一種不明原因的死亡,通常是在睡眠期間,嬰兒多數看似健康的而且不到一歲。 SIDS有時被稱為嬰兒床死亡,因為嬰兒常常死於嬰兒床。儘管原因尚不清楚,但似乎SIDS可能與嬰兒大腦控制睡眠呼吸和喚醒的部分缺陷有關。@healthceo.com

 

三大要素導致SIDS :

很多科學研究已列出三大要素導致SIDS, 即是指當脆弱嬰孩 (Vulnerable Infant) 正處於重要發展時期(Critical Development Period) 而暴露於一些已知的外來刺激(Outside stressors) ,當嬰兒同時處於這三項因素,便有機會有SIDS。

甚麼是重要發展時期?

如嬰兒開始學習打滾動 (learn to roll); 睡眠模式開始成熟,即睡覺時間較長,較熟睡(sleep cycle is longer and deeper).

甚麼是外來刺激?

一些已認知的因素: (父母)吸煙或暴露二手煙當中; 體溫過熱; 窒息; 沒有與父母(或照顧者)同睡一房間; 疾病; 餵哺配方奶粉。

Sleeping Baby

539克 BB 畢業了

update@14/3/2022

 

當Lucas 媽媽,Sarah,在二十三週產檢時,姑娘發現Sarah 的子官頸已經開咗兩度(dilated) , 即係有生產嘅徵狀,所以要緊急生產。當時Lucas 在媽媽肚中只逗留咗二十三週四日出生便出生,係早產BB,出生體重只1磅(539克)。

 

preterm Lucas 2.jpg

 

一般足月(36週以上)嬰兒體重只要有五磅以上,便有足夠吸啜母乳的力氣。但Lucas只有二十三週,好多器官未完全成熟,尤其係肺部,正常要等到二十六週才夠力呼吸,加上基本低抗力也沒有。所以他一出生已有肺部下塌(lung collapse)同血中毒(sepsis)。醫生亦告知Lucas 媽咪,BB只有15% 存活率,著她作好準備。

 

小小嘅生命,已經歷左六次感染,兩次肺部下塌和接受數次輸血。經過醫護人員細心照顧,最後Lucas在新生嬰兒加護病房奇蹟地成長起來。他住在醫院142日(約五個月),終於穩定下來,體重増磅到8磅4安士(3.7公斤),可以跟媽媽返屋企。 Sarah 也想跟其他有相似嘅父母分享她的經歷:Hope is all I had from the start and it worked。

@ BBC News

photo credit: Family handout

preterm Lucas1.jpg

爸爸
Baby blue

Update@10/2/2022

產後抑鬱(post natal depression)又叫做Baby blue。呢個名詞唔單只係產後媽媽專有,蘇格蘭衛生部出咗個報告,話每十個爸爸中,就有一個會有產後抑鬱。

 

其中一個案講39歲嘅Peter,太太係2016年生完BB之後,佢試過有一個月,每朝起身呢都覺得自己有啲好怪嘅感覺 (I woke up every morning with a knot in my stomach, you felt like there was a big dark cloud following me about) 。佢試過去外婆屋企接五歲女兒時,突然抱住個女喊咗十五分鐘。佢知道自己有啲唔妥當,但又覺得自己睇醫生會好尷尬。


Man Holding Newborn

有精神科醫生指出,其實大概有8至15%嘅爸爸都會患上產後抑鬱,原因係生活崗位轉變為新手父母;夫妻關係亦都變得緊張;再加上經濟負擔同睡眠不足。而且多數男性傾向少跟別人分享自己內心感受,所以去求診或搵專科治療都會比較少。NHS亦提到,如果爸爸媽媽已經有心理健康問題,或曾經係受過創傷而沒有得到適當治療,佢哋有產後抑鬱嘅傾向都比較大。而且有個案指出,如果太太患上抑鬱症又曾經入醫,丈夫都會有抑鬱症狀發生。

 

蘇格蘭健康部門表示,佢哋暫時未有提供給準爸爸常規產前產後抑鬱症篩選。而NHS 話開始嘗試做一啲計劃去幫助準爸爸去為產前產後而預備自己。但其實如果爸爸有需要搵產後抑鬱嘅資料,都可以去NHS網站搵到。當然,準媽媽嘅精神健康都好重要,因為呢個都係影響丈夫精神健康嘅重要因素。

 

@BBC

英國孕婦可以自由選擇C-section嗎?

Update @22/2/2022

根據一般NHS程序,大約在二十六週產前約見醫生或助產士時,會跟你一起訂下生育計劃(birth plan) ,內容包括選擇生產地點,什麼人可以陪同生產,使用什麼止痛方法。如果需要剖腹產手術又如何處理。而在特別情況下會「如果」需要接受剖腹產手術(Caesarean section, C-section),要怎樣安排。

 

NHS會根據National Institute for Health and Care Excellence (NICE ) 指引, C-section 手術只提供給胎兒位置屬於臀位(breech position) 或胎位不正;胎盤前置(Low-lying placenta); 妊娠毒血症(Pre-eclampsia); 疱疹( genital herpes),未曾醫治的愛滋病(untreated HIV); 胎兒缺氧或孕婦大量出血。 若非醫療問題而選擇C-section便有機會被拒絕。為鼓勵自然分娩,所以一般只有20%的孕婦可以接受手術。


為改善母嬰健康,NHS最近決定不設限制,讓孕婦可以自由選擇C-section。呢個改變源於一位不幸嘅媽媽,佢嘅BB喺生產過程中出現咗醫療事故而死亡(詳情亦沒有提及)。佢去信其中一個NHS Trust ( 醫療機構)委員會反映這個不幸經歷。而該醫療機構指出2021-2022年期間,單在七月的十一個醫療事故中,已經有五個係牽涉孕懷病人(孕婦)。

有資深產科醫生指出,過往NHS用Total C-section rate 中位數去釐定績效管理(performance management)係唔正確同唔安全。事實上,每一位孕婦嘅生產方法, 應該讓孕婦自己去了解更多好處和危險,然後才下決定。

 

@BBC News

NICE guideline for caesarean section

​資料來自於Bonds Lane MNS 網站公立產前檢查-預約流程 (中文版)

熱門話題座談會: Image
Marble Surface

Tongue-tied baby 有乜影響?

Update @15/2/2022

母乳是有最珍貴嘅營養成份,媽媽們都會盡力去學習餵哺技巧,讓BB盡量吸啜。

 

英國一位媽媽Clare,她的第一個小朋友也是母乳餵哺至十九個月大。今次餵哺第二個BB Lily 嘅時候,佢覺得跟上次感覺完全不同。佢回想起BB剛出生時,每次餵哺完都覺得好辛苦、想喊。因為佢覺得女兒好似雀仔般有喙吸啜她,而每次餵哺完,她的乳頭是瘀黑和感覺痛楚。所以佢懐疑Lily 有「舌繫帶」,於是聯絡上NHS助產士上門造訪,替BB 檢查(因為係英國一般產後婦科檢查或新生BB檢查,都是安排助產士到訪家中)。NHS叫佢再觀察下先算(wait and see), 但嬰兒吸啜問題比較迫切,若初生BB吸啜母乳不足,會影響健康。 最後Clare 等不及 NHS安排,自費(£400)搵私家婦產護士去確認症狀(舌繫帶)及治療,Lily 才可以正常吸啜母乳。

舌繫帶,也叫做黐脷筋(Tongue-tie, Ankyloglossia) , 即舌下正中線上之結締組織形成一系帶, 連至舌尖, 造成舌尖凹陷及舌面中央溝槽, 可能影響舌之上舉及外伸之動作, 嚴重時更可能造成嬰兒期吸吮困難或未來發音問題。

而嬰兒Tongue -tie 徵狀,通常係發現BB口部比較難貼上乳頭吸啜、吸啜過程斷續、BB 經常肚餓及體重沒有增長。吸啜時會有"click "嘅聲音出現。而哺乳媽媽亦會感到哺乳後乳頭痛或破損、餵哺母乳量不足、甚至會乳腺發炎。以上嘅情況,其實也跟母乳餵哺技巧有關,但如果技巧經已改進而BB 持續吸啜母乳不足,那就應該盡早搵助產士評估情況。

Newborn Baby with Mom

其實,Clare 覺得當產後情緒最低落時(the lowest ebb), 已經話俾NHS知BB有問題,但當需要緊急支援時,媽媽們還要努力去「爭取」適當診斷和治療, 同時也怕有機會錯過母乳餵哺的最好時機。

NHS 也有簡單舌繫帶治療(Tongue-tie division), 只要確診後,一般可以由醫生護士或者助產士責任去進行。由於舌頭下的神經線比較少,所以新生嬰兒做Tonge-tie division 時係唔會俾止痛藥或者麻醉藥,而傷口流血量亦不多,通常一至兩日便痊愈。完成治療之後,BB亦可以回復母乳餵哺。

@BBC News

NHS Tongue-tie

舌繫帶評估及處理指引(中文版)

又係英國學童饍食問題

Update@4/2/2022

 

原來英國有三百三十萬個兒童屬於肥胖(obese),在歐洲國家中,英國嘅肥胖兒童人口比例係排第一,所以好多報道都跟兒童健康問題有關。再加上COVID 疫情,直接或間接影響英國兒童日常進食規律,減少體能活動,還有不良飲食習慣,學童肥胖情況有上升的趨勢。

 

名人Jamie Oliver 一向關注呢個問題。Jamie 於2019 年成立咗一個慈善組織"Bite Back 2030" , 招募好多年青人去發聲及推動如何改善學童學校膳食營養,目標就係希望於2030 年前,英國學童肥胖人口能夠減少50%。

在英國所有六歲前學童school meal 係免費的。如果學童或家庭屬於受資助類別,佢哋到Year 6 也可享用得到免費學校饍食。但英國政府資助每個學童free school meal 每日係£2.34 ,而這個金額自2011 年後也沒有再審視過。 最近,Jamie 集合一衆學校校長及學院主管一起去信給教育大臣Nadhim Zaharia,游說政府正視學童飲食健康及改善學校膳食營養。

 

BiteBack2030 也出咗一份報告, 報告入面邀請不少年輕人表達自己對由細食到大嘅school meal 睇法,這個報告值得大家花少少時間去了解英國新一代年輕人嘅想法。報告中亦指出一些現實問題,例如貧窮家庭,school meal 係佢地唯一嘅選擇。 事實上,學童一年返學190日,即約有半年以上時間係進食學校餐,所以school meal 除咗好唔好食外,營養價值真係好重要。

@TheGuardian

小朋友仲有冇防疫針打未打?

Update@1/2/2022

 

自2020年3月COVID 大爆發後,有報告指出MMR兒童疫苗接種率下降,單在2021年七月至九月,有88.6%兒童接種完第一劑之後,第二劑接種率只有85.5%。而世界衛生組織(WHO)建議應該有95%兒童痳疹疫苗接種率,才可以有效減低傳染。

 

亦因這個原因,UK Health Security Agency (UKHSA) 同NHS擔心數以千計嘅兒童(即約十分一的五歲英國兒童尚未接種第二劑MMR疫苗),有機會因而受感染及引發併發

 

症。至於低接種率原因,有可能是家長們擔心安排接種兒童疫苗會加重NHS工作負擔而沒有定時預約;還有多項COVID restriction 亦使到NHS預約期延長。

好多香港媽媽也認識MMR係一種預防針包括麻疹(Measles)、流行性腮腺炎(Mumps) 和德國痲疹(Rubella)。香港衛生署會派給新生兒家長一本粉紅色或粉藍色紀錄冊及針咭,讓他們詳細記錄兒童成長紀錄。家長亦會依據針咭時間表為子女定時疫苗接種。

 

但在英國,兒童疫苗接種不是強制接種,家長可以選擇不為子女安排疫苗接種。如果想為子女接種疫苗,便要自己主動聯絡GP(寫信、打電話或者電郵)等安排時間。

 

所以官方也呼籲家長為子女著想,記住要按時帶小朋友去打MMR, 就算錯過咗都可以聯絡GP 補打針。

 

​我們己已精心準備咗<NHS新生新生嬰兒及兒童疫苗接種時間表>,內附有香港兒童疫苗接種時間表供對比

@The Guardian

Healthy Eating

爸爸的決擇

update@26/1/2022

美國一位爸爸,因太太確診COVID,佢嘅六個月大BB女也不幸染上COVID,而且病情變差。由於爸爸對於醫院十分不信任,唔想送女兒睇醫生,所以請教一個網上面群組,去「討論」如何「治療」BB女。

爸爸提問可否給BB服用一隻未經臨床證實功效嘅抗寄生蟲藥(anti-parasite )。有網友表示支持並且建議份量。爸爸決定餵藥俾BB ,之後BB 女後即刻嘔吐,面色變藍。

爸爸見到個女咁樣好驚,又向網友求救。有些網友知道BB嘅情況,反而求爸爸快啲送BB 女去醫院睇醫生。最後爸爸送咗BB去醫院,而女嬰情況亦轉好,但佢最後也不忘多謝網友「幫忙」。

其實,當自己仔女有病,無論對醫院有幾唔信任,父母嘅決定係好重要。

 

@walesline.co.uk

母乳變綠了

update@20/1/2022

最近有個英國媽媽Ashmiry在IG分享母乳餵哺嘅經驗。Ashmiry有兩個小朋友,最近全家中咗COVID-19。佢分享感染前留低嘅母乳跟感染後嘅母乳作對比, 發現感染後嘅母乳變咗綠色。而因為佢受到感染後個人感覺比較攰,而母乳又珍貴又充滿營養,所以佢然決自己飲埋綠色嘅母乳作補充。

有健康專家都指出,其實母親受到COVID-19感染,未曾見過母乳驗出有COVID-19病毒,反而人傳人嘅機會較大。當然繼續餵哺嘅決定,要視乎媽媽嘅選擇或者係去問下醫生(GP)或助產士(midwife)嘅意見。

Credit: Instagram/@ashmiry_

懷孕期間染上COVID點算好?

update@21/1/2022

COVID-19 已慢慢成為英國風土病。如果在懷孕期間不幸染上點算好?

 

Nature Medicine最近刊登一份報告(COVID in Pregnancy Study) 關於孕婦受到COVID-19感染而需要入院或接受深切治療嘅研究。蘇格蘭於2020年12月開始安排孕婦接種COVID-19疫苗,而研究時間為於2020年12月至2021年10月。

研究分析三個懷孕期(初期、中期、後期)孕婦接種疫苗率及孕婦因為COVID-19感染而需要入院或入ICU嘅比例。結果指出三個懷孕期嘅接種疫苗率都差不多。而懷孕初期(1st trimester)、中期(2nd trimester)入院率或接受深切治療嘅比例都不高,但在懷孕後期(3rd trimester)而染疫孕婦(沒有接種疫苗)需要入院或入ICU係最高,繼而引伸後遺症如早產、死產或出生後新生嬰兒死亡,真的不能夠忽視。

於2020年2月蘇格蘭,已界定孕婦為優先接種疫苗群組,

而四月亦開始提供優先接種疫苗計劃給孕婦。NHS亦強

調疫苗對於孕婦或哺乳媽媽係沒有影響。詳情可參考以

下連結。

 

​@ Nature Medicine

NHS關於孕婦,哺乳媽媽疫苗接種資訊

倫敦小學餐單禁布甸(甜點)

update@23/1/2022

東倫敦其中一個自治區(Borough) Newham,係全英國有最多肥胖兒童嘅其中一個地方,市政府都好擔心小朋友嘅健康問題。Newham 其中一間小學決定從佢哋午餐餐單中係剔除甜點(pudding )。原因係佢哋覺得學生食完lunch後,下午上堂時特別煩燥(irritable),有sugar crash情況出現 。

 

Sugar crash 其實指血糖水平突然過低而引致身體出現注意力不集中(distracted)、煩躁(irritable)、疲倦(fatigue) 、焦慮(anxiety)等等徴狀。而這個情況唔單止發生喺糖尿病患者身上,其實一般人都會有機會發生。原因係每當身體進餐大量碳水化合物(carbohydrate),例如麵糰(pasta) ,pizza或者簡單嘅碳水化合物如糖分或甜品,身體會釋放大量胰島素(insulin)去處理過量糖分,而血液中嘅血糖水平會突然變低(hypoglycemia)。

bottom of page